有時真係唔抵幫。正當香港娛樂圈半百都可以做小生之際，日韓藝能界已經玩咗好多年幼齒化。今日，日本搞咗個「妹版環球小姐選擇」，搞啲10-19歲美少女參加選美，啲妹妹質素之高，真係睇到香港BB們都滴晒汗。最後結果，冠軍就係來自愛知縣、12歲女嘅糸瀬七葉。唔知佢係邊個唔緊要，事關真係無人識得佢。佢話喎，佢參選嘅原因，係因為好想成為好似菜菜緒咁嘅藝人喎。而佢獲選嘅原因，就因為喺材藝比演到，話自己剛剛升上中一，好想加入吹奏部，因此決定自己喺比賽度「自吹」一曲，呢啲真係叫「好Pure、好True」囉。阿妹你10幾年後，似唔似菜菜緒個身材咁Fit就唔知，但12歲就有咁嘅長腳，就肯肯定已經贏在起跑線。