近年有不少品牌都開始推耳機，其中更有不少出開電腦配件的品牌，Cooler Master 便是其中之一。而最近便推出 Cooler Master MasterPulse 系列，最大賣點是有專利的低音技術 FX ，相信打機睇戲的震撼感更高。系列會推出入耳式及頭戴式兩個型號，售價分別為 $338 及 $535 。
標籤: 耳機
獨享高音質！ Sony Signature Series 個人音響系列
除了運動型耳機，今次 Sony 亦推出專為個人而設的 Signature Series 系列，叫得做個人音響，當然是一個「自私」系列，一套三年的耳機、小型擴音機及 Walkman ，就算自己想享受音樂的樂趣，都不怕影響到人。而整個系列都以高級用家為主，產品亦是廠方旗艦級，所以價格都不低，由 $9,680 至 $24,980 之間。
Sony 運動無線耳機集結 Extra Bass 系列玩防水
講到耳機，不少人仍會選擇 Sony ，因為勝在價位夠多選擇，而最近廠方又推出新耳機 Extra Bass 系列，今次總共有三個型號，分別是 MDR-XB80BS 、 MDR-XB50BS 及 MDR-XB70BT ，全系列除了加強低音效果之外，前兩個型號更會加入防水功能，可以話是專為運動用家而設。
實用定多嚿魚？ 第三方出 AirPods 頸縄 AirPods Strap
真‧無線耳機自上年推出，都應該有不少人玩，體積細又方便，連 Apple 都要推出 AirPods 應市。不過，似乎有人亦都睇唔到真‧無線耳機的優點，特別推出 AirPods 專用掛頸縄，等你不會掉失喎！咁點解仲要買 AirPods 先？市面仲有大把選擇啦！當然，如果你仍然覺得條頸細縄好吸引，都可以去 Amazon 用十美元（約 $78 ）買一條……
Sony 推初音未來限量版耳機 雙色照顧不同 fans 愛好
Sony 之前在香港推出過限量版《火影忍者疾風傳》系列播放器 Walkman NW-A25/B 及耳機 MDR-100AAP/B ，不過原來好戲在後頭！因為日本 Sony 將會在 9 月 12 日發售限量版的初音未來 MDR-100 耳機（h．ear on （MDR-100A）初音ミクモデル），會推出 MIKU MODEL 及 PRODUCER MODEL 兩個版本，售價為 23,900 日元（約 $1,822 ）。
同 iPhone 7 搶電用？ Libratone 推 Q Adapt 降噪入耳耳機
iPhone 7 仲有幾日先會發布，不過配件就不停推出，最近 Libratone 便推出 Q Adapt 系列的耳機，最大特點當然是改用 Lightning 接頭，但同時亦會加入 CityMix 的主動降噪（ Active Noise Cancellation ）功能，而且毋需充電就用到，因為全部電量都會來自你的 iPhone 。
唔想被迫買 lightning 耳機？ 用 Griffin iTrip Clip 舊耳機重生
Apple 會在 9 月 7 日發布 iPhone 7 ，都應該是鐵一般的事實（鐵都唔算好硬啫……），而當中會不設 3.5mm 插頭，更加是必然的規格。而近期有不少廠方都密鑼緊鼓推出配件，好似 Griffin 便推出一款 Griffin iTrip Clip 產品。主要是利用藍牙連接手機，再接駁傳統的耳機，雖然音質或者會下降，但總比要被迫買個 lightning 耳機好。
〔 高級視聽展 2016 〕最緊要平！ 視聽展大平賣耳機擴音機大集合
一年一度的高級視聽展，有大量的高級影音產品展示之外，不過老實講，試聽可以試好多部，但買機就並不會每一部都買，財力有限之餘，地方亦都不多。想平買音響，其實都有不少選擇，其中 AKG 的耳機更低至三折，亦有黑膠盤唱機及擴音機半價求售，要慳到門票錢？好容易！
〔 高級視聽展 2016 〕 lightning 插頭耳機 AUDEZE SINE / EL-8 Titanium 必試
代理不少音響品牌的 ECT ，今年亦都會設置攤位，而在攤位內，主要是以耳機試聽為主，可以話花多眼亂。要試聽，最好當然有目標地試聽，否則聽足三日都唔夠時間。而今次主力新耳機，分別是 AUDEZE SINE 及 EL-8 Titanium 兩款，最中賣點是採用 lightning 插頭及內置 DAC 解碼器，音質進一步提高，追求靚聲一定要聽。
〔 高級視聽展 2016 〕 Sennheiser 展出最強耳機 HE 1 ＋胆機 即場試聽
一年一度的高級視聽展今日開鑼，今年都有不少外國參展商，當然仲 Sennheiser ，其實一入視聽展就見到。在攤位內有耳筒、耳機試聽是指定動作，但更重要的是會放置 Sennheiser HE 1 耳機及真空管擴音機（胆機）試聽，入得去記得排定隊先。
AKG N40 玩換聲換線 定價 $3,199 開賣
男人買耳機，如果買得貴俾女朋友知道，都常都實俾人話：「買咁貴做咩啊，你幾百萬身家？」，而跟住落去，都會成為嘈交的導火線。話雖如此，但男人追求靚聲，點會妥協！最近 AKG 又有新耳機推出，型號 N40 ，定價 $3,199 ，全因有高音質之餘，仲有替換的聲音濾片，可自選強化中、高、低音。等同豆腐火腩飯，男人先會識欣賞。
Bragi The Dash 真‧無線耳機 「游水都聽得，性價比高，功能夠多」
剛剛昨天才說真‧無線耳機空群而出，今天又有一款現身，這款名為 Bragi The Dash ，可以說是現時功能最齊，但價錢最抵的真‧無線耳機，除了設有一般的聽歌功能之外，更加設有多個不同感覺器，測心跳、1 米防水、觸控式操作、動作感應全部都有，最重要是定價為 $2,498 ，除了抵之外，都想不到其他形容詞……
ERATO Apollo 7 實試 「好輕、音色夠平衡，不過定價進取」
近期真‧無線耳機愈出愈來愈多，而最近又多一個到港，型號為 ERATO Apollo 7 ，同樣是在 Kickstarter 集資成功，同樣是以輕取勝，同樣提供外置電池盒。似乎同一般的真‧無線耳機無分別。不過，亦都因為每一個「同樣」都略為較其他耳機略為帶一點突出，才能吸引到用家入手吧。
i.Tech「升呢」玩 Hi-Res Audio MusicClip 9100 / ProStereo L1 / ProStereo L2 三連發
耳機市場愈來愈愈多品牌，而競爭亦都開始加劇，至於本地公司 i.Tech ，最初由藍牙免提掘起，至今亦開始走向高音質的領域。近期更開始推出支援 Hi-Res Audio 的產品，其中包括 MusicClip 9100 、 ProStereo L1 及 ProStereo L2 三款，最平幾百即可玩盡量Hi-Res Audio 音質。
入門級 RHA S500i 賣 HK$478 都有鍍金插頭
每到夏天，入耳式耳機都應該會特別好賣，尤其是不想出街時為對耳焗桑拿，便一定會買。不過，入耳機選擇多，點揀先好？最近 RHA 便推出一款中價位耳機，型號為 S500i ，是之前 S500 的升級版，除了標榜金屬導線設計外，亦新增三按鍵內置麥克風的線控，而且售價 $478 亦有鍍金插頭，都有一定吸引力。